Zelenskinin “ərazi mübadiləsi” ideyasına Moskvadan reaksiya: Paranoyak cəfəngiyatdır

Vladimir Zelenskinin Rusiya ilə ərazilərin mübadiləsi ilə bağlı dediklərini ciddi qəbul etmək mümkün deyil, bu, paranoyak cəfəngiyatdır.

Publika.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

Bundan əvvəl Zelenski “Guardian”a müsahibəsində Rusiya ilə hansısa ərazi mübadiləsini istisna etmədiyini bildirib. Lakin o, heç bir təfərrüat verməyib.

"Zelenskinin legitim olmadığını nəzərə alaraq ərazilərin mübadiləsi ilə bağlı bəyanatı ciddi qəbul etmək mümkün deyil", - Zaxarova “Sputnik” radiosunun efirində deyib.

O qeyd edib ki, Zelenski tez-tez məntiqi hadisələr zənciri olmayan yüksək səslə müsahibələr verir.

"Bütün bunlar Ukraynanı çıxılmaz vəziyyətdən çıxarmağa ciddi yönəlmiş təklif və təşəbbüslərin xarakterindən və ya ümumi dil tapmaq cəhdlərindən fərqli xarakter daşıyır", - Zaxarova əlavə edib.

Onun sözlərinə görə, Kiyev və Qərb Donbassda yaşayan insanlara əhəmiyyət vermir, çünki bu, onlar üçün yalnız ərazidir.

“Milyonlarla rusların və rusdilli sakinlərin taleyi onları narahat etmir, ona görə də onlar Minsk razılaşmalarını “dəfn etmək” üçün hər şeyi etdilər, onların həyata keçirilməsi daxili münaqişənin sülh yolu ilə həlli və Donbasın Ukraynaya reinteqrasiyası üçün real perspektiv açırdı”, - Rusiya Xarici İşlər Nazirliyinin rəsmi nümayəndəsi qeyd edib.

Zaxarova xatırladıb ki, 10 il əvvəl Kiyev və onun Qərb tərəfdaşları “Minsk sazişlərinin həyata keçirilməsi üzrə Tədbirlər Paketi”nin həyata keçirilməsinə icazə vermirdilər, çünki onların əsl məqsədi əraziləri bütün ruslardan təmizləmək və orada anti-Rusiya körpüsü yaratmaq idi.

Tural