Kurskun daha 3 yaşayış məntəqəsi azad edildi

Rusiya hərbi qüvvələri Kursk vilayətində üç yaşayış məntəqəsini azad edib.

Publika.az xəbər verir ki, bu barədə jurnalistlərə Rusiya Müdafiə Nazirliyi (MN) məlumat verib.

Bildirilir ki, sözügedən yaşayış məntəqələri Viktorovka, Nikolayevka və Staraya Soroçinadır. Əməliyyatda “Şimal” qoşunlarının bölmələri iştirak edib. Hücum zamanı rus qoşunları ərazidəki 13 yaşayış məntəqəsində Ukrayna Silahlı Qüvvələrinin (AFU) birləşmələrini darmadağın edib.

Hərbi-siyasi analitik Yan Qaqin bəyan edib ki, Ukrayna Silahlı Qüvvələrinin Sudjan istiqamətində sıxışdırılmasına on kilometrdən çox qalmayıb.

O xatırladıb ki, rus qoşunları Sumı vilayətinin Novenkoye kəndindən keçən yola nəzarəti ələ keçirib və Ukrayna əsgərlərini təchizatının əhəmiyyətli bir hissəsindən məhrum ediblər.

"Bəzi hissələrin Kursk vilayətindən cəbhənin digər ərazilərinə köçürülməsi Ukrayna üçün vəziyyəti daha da gərginləşdirir. Bunun fonunda ərazidə Ukrayna Silahlı Qüvvələrinin ehtiyatları azalmaqda davam etdiyi müşahidə olunur", - deyə ekspert fikrini yekunlaşdırıb.

Adəm