Markovla bağlı görün hansı məlumatı yaydılar: Rusiyanı tərk edəcək?

Rusiyada xarici agent elan edilən politoloq Sergey Markov ölkəni tərk edəcəyi ilə bağlı yayılan xəbərlərə münasibət bildirib.

Publika.az xəbər verir ki, o, “Telegram” kanalında açıqlama yayaraq, Rusiyanı tərk etmək niyyətində olmadığını bildirib.

“Hazırda informasiya fırtınası altındayam. Bunlar yalandır. Sifariş deyil, sadəcə mövzunu şişirdirlər və yalan danışırlar. Mən ölkəni tərk etməyəcəyəm. Rusiya mənim sevimli vətənimdir və həmişə Rusiyanın yanındayam. Vladimir Putinin siyasətini dəstəkləməyə davam edəcəyəm. Mən Rusiya hökumətinin bütün hərəkətlərinin legitimliyini tanıyıram. Problemləri qanun çərçivəsində həll edəcəyəm. Amma dövləti məhkəməyə verməyəcəyəm.

Hamı da bilir ki, mən vətənpərvərəm. Markovun vətənpərvər və Putin tərəfdarı olmadığını sübut etmək mümkün olmayacaq. İnsanlar buna inanmayacaqlar. Çünki bütün 25 il ərzində hər kəs vətənpərvər Markovu görüb. Və onu vicdanlı bir insan kimi tanıyırlar. Ümid edirəm ki, xarici agent statusu məndən götürüləcək. Mənə mənəvi dəstək olan və xarici agent statusunun məndən silinəcəyinə əmin olan yüzlərlə dostuma dərin təşəkkürümü bildirirəm. Bizim səbəbimiz ədalətlidir. Həqiqət qalib gələcək. Mən Rusiyaya inanıram”, - o qeyd edib.