MDB

Putin Tokayevə görün nə təklif etdi

11 Noyabr 2025 22:36

Rusiya Prezidenti Vladimir Putin qazaxıstanlı həmkarı Qasım-Jomart Tokayevi çay və kofe içməyə dəvət edib.

Publika.az xəbər verir ki, bu barədə "RİA Novosti" məlumat yayıb.

"Bizim iki hissəmiz var. İndi qeyri-rəsmi şəraitdə nahar edəcəyik, sonra sizi öz yerimə dəvət etmək istərdim, orada oturub çay və ya qəhvə içəcəyik", - Putin deyib.

Qazaxıstan Prezidenti cavab olaraq bu təklifi dəstəkləyib.

Tokayev noyabrın 11-də Moskvaya dövlət səfərinə gedib. Onu hava limanında Rusiya Baş nazirinin birinci müavini Denis Manturov qarşılayıb. Qazaxıstan lideri noyabrın 12-dək Rusiyada qalacaq.

Putinlə danışıqlar zamanı Rusiya-Qazaxıstan strateji tərəfdaşlığının və siyasi, ticarət-iqtisadi, mədəni və humanitar sahələrdə müttəfiqlik əlaqələrinin inkişafı ilə bağlı əsas məsələlərin müzakirəsi planlaşdırılır. Digər məsələlərlə yanaşı, regional və beynəlxalq gündəlikdəki əsas mövzulara da toxunulacaq.

Hüseyn İbadlı