Rekord məbləğdə endirim: Rusiya nefti su qiymətinə düşdü

Baltik və Qara dəniz limanlarında Rusiyanın "Urals" markalı xam neftinə endirimlər təxminən 20 dollar/barelə çatıb.

Publika.az xəbər verir ki, bu, ilin əvvəlindən bəri rekord göstəricidir.

Noyabrın 10-da Primorsk və Novorossiyskdə endirim 19,40 dollar təşkil edib, noyabrın əvvəlində 13-14 dollar.

ABŞ-ın “Lukoyl” və “Rosneft”ə qarşı sanksiyalarından əvvəl isə 11-12 dollar olub.

“Güzəştlərin artması “Lukoyl” və “Rosneft”in sanksiya siyahısına daxil edilməsi ilə bağlıdır ki, bu da ticarət sistemlərinin restrukturizasiyasını tələb edirdi”, – mənbə “Kommersant”a bildirib.

“Bazar hazırda qeyri-bərabərdir və “Urals” qiymətləri geniş şəkildə dəyişə bilər”, - başqa bir mənbə aydınlaşdırdı. Onun sözlərinə görə, diapazona bir barel üçün 20 dollar civarında səviyyələr daxildir. “FOB Urals” neftinin orta qiyməti keçən həftə 4% azalaraq 50,30 dollara düşüb, ESPO isə 60 dollar/barel səviyyəsində qalıb.

Analitiklər qeyd edirlər ki, ən yüksək “Ural” endirimləri əvvəllər 2022-ci ilin ikinci rübündə - 31,9 dollar, 2023-cü ilin birinci rübündə isə 30 dollar olub. Rusiya Federasiyası Hökuməti yanında Maliyyə Universitetindən İqor Yuşkov deyir: "Sxemlərin sanksiyalara məruz qalmayan treyderlər vasitəsilə yenidən qurulması əvvəllər təxminən iki aya yaxın vaxt aparırdı. İndi bu, bir aydan çox çəkməyəcək, əsas keçidin 2026-cı ilin əvvəlində başa çatdırılması gözlənilir".

Hindistan və Çindən olan əsas alıcılar daha ehtiyatlı olublar: Hindistanın beş neft emalı zavodu dekabr ayı üçün Rusiya nefti sifariş etməyib, “Sinopec” və “PetroChina Co” isə sifarişlərdən imtina edib.

Tural