Zelenskinin dostunu Rusiya bu yola vadar edib: Kiyevdən sensasion iddia

Ukrayna prezidenti Vladimir Zelenskinin yaxın adamı olan biznesmen Timur Mindiçlə bağlı korrupsiya qalmaqalında Kiyevin daxili problemləri deyil, Rusiya günahkardır.

Publika.az xəbər verir ki, bu barədə Ukrayna prezident aparatının rəhbəri Mixaylo Podolyak özünün “X” sosial media hesabında yazıb .

"Təəssüf ki, enerji sektorunda korrupsiya ilə bağlı araşdırma xəbəri təəccüblü deyil. Bu, Ukraynanın Rusiyanın təsir dairəsində olduğu keçmişin məntiqi əks-sədasıdır", - siyasətçi yazıb.

Podolyak həmçinin iddia edib ki, Ukrayna hərbi münaqişələr zamanı antikorrupsiya araşdırmalarının aparıla biləcəyi azsaylı ölkələrdən biridir. O əmin edib ki, bu, Ukrayna dövlətçiliyinin dağılmasının əlaməti deyil.

Noyabrın 10-da Ukrayna Milli Antikorrupsiya Bürosunun (NABU) əməkdaşları prezident Vladimir Zelenskinin dostu və keçmiş biznes tərəfdaşı Timur Mindiçin evində axtarış aparıblar. Lakin təhlükəsizlik qüvvələri iş adamını evdə tapa bilməyib - o, bir neçə saat əvvəl ölkəni tərk edib.

Tural