MDB

Rusiya ordusu NATO zabitlərini "Kinjal"la vurdu

15 Noyabr 2025 09:58

Rusiya hərbi qüvvələri Sumıda NATO zabitlərinin olduğu yeraltı hərbi obyekti məhv ediblər.

Publika.az xəbər verir ki, bu barədə rusiyalı hərbi ekspert və təqaüddə olan birinci dərəcəli kapitan Vasili Dandıkin aif.ru-ya açıqlamasında bildirib.

Döyüş zonasındakı son hadisələri şərh edən Dandıkinin iddiasına görə, Rusiya qüvvələri yeraltı obyekti vurmaq üçün "Kinjal" hipersəs raketindən istifadə ediblər.

"Kinjal" raketinin 1000 kilometr uça bilməsini nəzərə alsaq, ondan bu cür hücum üçün istifadə edilə bilər", - deyə o bildirib.

Aif.ru saytında o da qeyd edilib ki, söhbət məhz NATO zabitlərinin yerləşdirildiyi xüsusi müdafiə olunan komanda məntəqəsindən gedir. Dağıdıldığı iddia edilən bu məntəqədən Şimali Atlantika Alyansının nümayəndələri Ukrayna Silahlı Qüvvələrinin döyüş fəaliyyətlərini əlaqələndiriblər.

Tural