Erməni politoloq: "Paşinyana görə suverenliyimizi itiririk!"

Erməni siyasi şərhçi Ara Poqosyan ölkəsində yaranan gərginlik, müharibədən sonra hələ də davam edən siyasi böhran və xaosdan gileylənib.

Publika.az xəbər verir ki, Poqosyan "Facebook" profilində paylaşım edərək yazıb ki, Ermənistanda diktatura hökm sürür və ölkəsi Nikol Paşinyanın rəhbərliyi altında suverenliyini itirib.

"İfrat populizmə köklənmiş diktatura rejimləri mövcudluğunu yalnız daxili və ya xarici düşmənlərin iştirakı ilə aoruyub saxlaya bilərlər.Paşinyan əvvəlcə Rusiyadan, sonra rusiyapərəst qüvvələrdən, indi isə ümumiyyətlə müxalif düşüncəli insanlardan düşmən obrazları yaratmağa çalışır. O, Rusiyanın simasında xarici düşmən obrazı yaradır",- politoloq qeyd edib.

Poqosyan qeyd edib ki, Paşinyan daxildəki düşmənləri partiyalar formasında yaratmaqla öz xalqının həyati əhəmiyyətli gücünü sarsıtdı. Nəticədə ermənilər dövlətçiliyi də itirdilər:
"Paşinyan hakimiyyətinin hazırki idarəçiliyi məhz daxili bölücü xətlər və cəmiyyətin demobilizasiyası nəticəsində Ermənistanın suverenliyinin itirilməsi deməkdir".

Tural