MDB

Almatı sakinləri səhər partlayış səsinə oyandılar: Nə baş verib?

17 Noyabr 2025 11:20

Bu gün səhər saatlarında Almatı şəhərinin Auezov rayonunda partlayışa bənzər səs eşidilib.

Publika.az xəbər verir ki, bu barədə hadisə şahidləri “Qumash” Telegram kanalında məlumat veriblər.

"Almatıda nəsə partlayıb, sonra elektrik kəsilib. Hadisə Sayran gölünün yaxınlığında baş verib", - məlumatda deyilir.

Şəhərin Fövqəladə Hallar Departamenti partlayışla bağlı heç bir dəlil olmadığını bildirib. Lakin onlar izah ediblər ki, elektrik yarımstansiyasında yanğın baş verib və bunun nəticəsində elektrik enerjisi kəsilib.

Şöbədən əlavə ediblər ki, dərhal hadisə yerinə mütəxəssislər göndərilib. Yarımstansiyaya çatan zaman 0,2 kvadratmetr sahədə açıq yanğın aşkar edilib. Energetiklər və yanğınsöndürənlər yanğının söndürülməsi və nasazlıqların aradan qaldırılması üçün çalışırlar.

Tural