Generalın öldürüldüyü yerdə ard-arda partlayış: İki polis əməkdaşı öldü – Moskvada nə baş verir?

Rusiyalı general Fanil Sarvarovun avtomobilinin partladıldığı yerdə daha bir neçə partlayış baş verib.

Publika.az xəbər verir ki, Moskvanın Orexovo-Borisovo sakinləri Yeletskaya küçəsində ən azı iki yüksək səs eşitdiklərini bildiriblər.

Daha sonra Moskvanın cənubunda bir avtomobilin partladığı bildirilib. Tüstü və yanğın da olub. Partlayış yerindən görüntülər internetdə yayılıb.

İlkin məlumata görə, naməlum şəxs maşına bir bağlama atıb və daha sonra partlayıb.

Moskva İstintaq Komitəsinin məhkəmə ekspertləri və müstəntiqləri hadisənin səbəblərini müəyyən edirlər. Tezliklə tibbi və partlayıcı maddələrin yoxlanılması da daxil olmaqla bir sıra məhkəmə ekspertizaları təyin ediləcək.

Moskvanın Yeletskaya küçəsində baş verən hadisə ilə əlaqədar olaraq Rusiya Federasiyası İstintaq Komitəsinin Moskva şəhəri üzrə Baş İstintaq İdarəsinin istintaq orqanları cinayət işi açıb.

Partlayış nəticəsində yol polisi əməkdaşları həlak olub.

“Moskvanın Yeletskaya küçəsində əldəqayırma partlayıcı qurğunun (PQM) partlaması nəticəsində iki yol polisi əməkdaşı həlak olub”, - məlumatda deyilir.

Daha iki yaralı təcili yardım maşını ilə hadisə yerindən aparılıb. Onların vəziyyəti ağır hesab olunur.

Hazırda ərazidə əməliyyat-axtarış tədbirləri görülür.

Tural