Dünya çempionu karyerasını “Real Madrid”də davam etdirmək istəyir

“Mançester Siti”nin yarımmüdafiəçisi Rodri karyerasını “Real Madrid”də davam etdirmək istəyi barədə İngiltərə klubunun rəhbərliyinə məlumat verib.

Publika.az xəbər verir ki, bu barədə jurnalist və insayder Ben Ceykobs sosial mediada məlumat verib.

Mənbənin məlumatına görə, oyunçu kluba bu yay idman və ailə səbəbləri ilə Madridə keçmək niyyətində olduğunu bildirib. Məlumata görə, “Mançester Siti” oyunçunu komandada qalmağa razı salmaq üçün onunla danışıqlar aparır.

Rodrinin İngiltərə klubu ilə müqaviləsi 2027-ci ilin iyun ayına qədərdir. O, bir ildən sonra komandadan azad agent kimi ayrılmaq hüququna malik olacaq. Yarımmüdafiəçi təklif olunan bütün yeni şərtləri rədd edib.

İngiltərədəki karyerası ərzində Rodri bütün yarışlarda 298 oyunda meydana çıxıb, 28 qol vurub və 32 məhsuldar ötürmə edib.

“Transfermarkt” portalındakı məlumata görə, onun bazar dəyəri 50 milyon avrodur. 2026-cı il Dünya Kubokunda yarımmüdafiəçi İspaniya millisində səkkiz oyun keçirib, Dünya Kuboku titulunu və turnirin ən yaxşı oyunçusu mükafatını qazanıb.