Rusiya mülki əhaliyə təlim keçir: Ukraynanın hücumuna hazırlaşırlar

Rusiyanın Cənub Hərbi Dairəsinin (CQD) poliqonunda ehtiyatda olan hərbçilərin hazırlığı davam edir.

Publika.az xəbər verir ki, bu barədə Rusiya Müdafiə Nazirliyi məlumat yayıb.

“Əsgərlər kritik infrastrukturu qorumaq və müdafiə etmək üçün təlim alırlar. Kurikulum bütün ərazi nəqliyyat vasitələrinə quraşdırılmış pulemyot qüllələrindən istifadə edərək taktiki və odlu silah hazırlığına diqqət yetirir.

Təlim iştirakçıları dronlara və digər potensial təhlükələrə qarşı mübarizə, taktiki təbabət, topoqrafiyanın əsasları və qruplar arasında koordinasiya bacarıqlarını inkişaf etdirirlər. Hər bir ehtiyatda olan hərbçidən həm pulemyotla işləmək, həm də qüllədə bir-birini əvəz etmək tələb olunur”, - məlumatda deyilir.

Ehtiyatda olan əsgərlərlə müqaviləli əsgərlər arasında əsas fərq ondan ibarətdir ki, birincilər hərbi qulluqçu deyillər və mülki şəxslərin bütün hüquqlarına malikdirlər. Müdafiə Nazirliyindən bildiriblər ki, onlar ehtiyatda olan vaxtlarını əsas işləri ilə birləşdirirlər. Eyni səbəbdən ehtiyatda olanlar ön cəbhədə iştirak etmirlər, onlar kritik infrastrukturu yalnız öz regionlarında qorumaq üçün verilən tapşırıqları yerinə yetirirlər.

Tural