MDB

Rusiyada terror aktının qarşısı belə alındı - VİDEO

19 Yanvar 2026 12:56

İrkutsk vilayətində terror aktı planlaşdırmaqda şübhəli bilinən şəxs saxlanılıb.

Publika.az xəbər verir ki, bu barədə Rusiya Daxili İşlər Nazirliyinin sözçüsü İrina Volk bildirib.

Onun sözlərinə görə, maliyyə monitorinqi təşkilatının əməkdaşı olduğunu iddia edən naməlum şəxs 18 yaşlı bir kişi ilə əlaqə saxlayıb. O, gənci "hesablarınızı daha təhlükəsiz yerdə saxlayacam" yalanına inandırıb. Zərərçəkmiş nənəsinin əmanətlərini götürərək göstərilən hesaba köçürüb.

"Daha sonra bu transferin Ukrayna ordusunu maliyyələşdirmək üçün istifadə edildiyini iddia edən saxta Rusiya FTX zabitindən zəng gəlib. Məsuliyyətdən yayınmaq üçün fırıldaqçı infrastruktur obyektinin yandırılması ilə bağlı xüsusi əməliyyatda iştirak etməyi təklif edib", - deyə İrina Volk məlumat verib.

Hadisə ilə bağlı cinayət işi açılıb, şübhəli həbs edilib. Onu 20 ilə qədər həbs cəzası gözləyir.

Adəm