MDB

Zelenski Moskvaya getməyəcək: O, Putini Kiyevə dəvət etdi

30 Yanvar 2026 17:20

Ukrayna prezidenti Vladimir Zelenski Rusiya prezidenti Vladimir Putinlə Moskvada görüşməkdən qəti şəkildə imtina edib və o, Putini Kiyevə dəvət edib.

Publika.az xəbər verir ki, bu barədə "RBC-Ukrayna" xəbər agentliyi məlumat yayıb.

"Əlbəttə ki, mənim üçün Moskvada Putinlə görüşmək mümkün deyil. Bu, Putinlə Kiyevdə görüşməklə eynidir. Mən də onu Kiyevə dəvət edə bilərəm. Qoy gəlsin. Əlbəttə ki, əgər qərar verərsə, mən onu açıq şəkildə dəvət edəcəyəm", - deyə Zelenski jurnalistlərə söyləyib.

O əlavə edib ki, Kiyev döyüşlərin dayandırılmasında ciddidir və buna görə də liderlər səviyyəsində istənilən real görüş formatı məqbuldur.

Xatırladaq ki, yanvarın 28-də Rusiya prezidentinin köməkçisi Yuri Uşakov Zelenskinin Rusiya lideri ilə danışıqlar üçün Moskvaya dəvət olunduğunu açıqlamışdı. Kremlin sözçüsü vurğulamışdı ki, əgər Zelenski görüşə razılıq verərsə, Rusiya onun təhlükəsizliyinə zəmanət verməyə hazırdır.

Adəm