Rusiyaya gedən azərbaycanlılara xəbərdarlıq: Bu qədər əlavə pul ödəyəcəksiniz

Rusiya hökuməti Maliyyə Nazirliyi tərəfindən hazırlanmış və vizasız ölkələrdən gələn miqrant işçilər üçün iqtisadi şərtləri sərtləşdirən "Rusiya Federasiyasında xarici vətəndaşların hüquqi statusu haqqında" Qanuna və Vergi Məcəlləsinə düzəlişləri nəzərdən keçirib.

Publika.az xəbər verir ki, sənədlər Vladimir Putinin göstərişi ilə hazırlanıb və 2027-ci ildə qüvvəyə minə bilər.

Bu brədə “Kommersant” yazıb. Bildirilir ki, dəyişikliklər patent üçün fərdi gəlir vergisinin sabit əvvəlcədən ödənişini ödəməli olan əcnəbilərin dairəsini genişləndirir. Siyahıya Rusiya Federasiyasında müvəqqəti və daimi yaşayan, şəxsi və məişət ehtiyacları üçün fiziki şəxslər üçün işləyən miqrantlar daxil ediləcək. Patent sahibinin yetkinlik yaşına çatmayan uşaqları və ya digər asılı şəxsləri varsa, hər biri üçün əlavə ödənişin 50%-i tələb olunacaq. 18 yaşına çatdıqda, belə uşaqlar patent almalı və ya yaşayış üçün başqa əsasları olmadığı təqdirdə ölkəni tərk etməlidirlər.

Əsas aylıq ödəniş əmsallarla vurulduqda 1200 rubl (26 manat) təşkil edir. Moskvada bu məbləğ ayda 10.000 (220 manat) rubla çatır, digər bölgələrdə isə 3400 ilə 27.300 rubl (75-600 manat) arasında dəyişir. Qanun layihəsi Daxili İşlər Nazirliyi ilə Federal Vergi Xidməti arasında məlumat mübadiləsinin gücləndirilməsini nəzərdə tutur. İş icazəsinin müddətini uzatmaq üçün miqrant işçidən özünün və ailə üzvlərinin gəlirləri də daxil olmaqla, ən azı regional yaşayış minimumu səviyyəsində "qanuni" gəliri sübut etməsi tələb olunacaq. Vergi orqanları əcnəbilərin gəlirləri barədə məlumatları rüblük olaraq Daxili İşlər Nazirliyinə ötürəcəklər.

Tural