Bakıda beynəlxalq caz festivalı keçiriləcək
Bizi izləyin
Aptekonline

Mədəniyyət

Bakıda beynəlxalq caz festivalı keçiriləcək

Bakıda beynəlxalq caz festivalı keçiriləcək

Oktyabrın sonu noyabrın əvvəllərində Bakıda beynəlxalq caz festivalı keçiriləcək. Rəşid Behbudov adına Azərbaycan Dövlət Mahnı Teatrının simfonik estrada orkestri festivalda möhtəşəm musiqi proqramı ilə çıxış edəcək. Musiqi kollektivi indidən hazırlıq məşqlərinə başlayıb.

Teatrın simfonik estrada orkestrinin bədii rəhbəri, əməkdar incəsənət xadimi Salman Qəmbərov bildirib ki, festivalda Azərbaycan və xarici bəstəkarların musiqi əsərləri yeni təqdimatda səslənəcək.

Beynəlxalq musiqi layihəsi çərçivəsində keçiriləcək festivalda Almaniya, Ukrayna və Gürcüstandan dəvət edilmiş zərb alətləri, saksofon və kontrabas ifaçıları ilə birlikdə Salman Qəmbərov da pianinoda çıxış edəcək. Əməkdar incəsənət xadiminin təqdim edəcəyi musiqi nömrəsi Gürcüstan səssiz filmi- "Mənim nənəm"ə improvizədir.

Qeyd edək ki, Salman Qəmbərov 1930-cu ildə çəkilmiş "Lətif" səssiz filminə də musiqi improvizə edib.

Oxumağa davam et
Reklam
Reklam

Gündəm

Aptekonline