Milyonçu

İlon Maskdan yeni iddia: Fırıldaqçıdır!

6 Avqust 2024 14:52

Amerikalı sahibkar İlon Mask "OpenAI" və onun yaradıcısı Sem Altmana qarşı yeni iddia qaldırıb.

Publika.az xəbər verir ki, bu barədə "Reuters" məlumat yayıb.

Onun fikrincə, şirkət 2015-ci ildə yaradılarkən qarşıya qoyduğu məqsəd və vəzifələrə xəyanət edib. Xüsusilə, Mask, "OpenAI"nin qeyri-kommersiya təşkilatından kommersiya təşkilatına çevrildiyini və "bəşəriyyətin xeyrinə təhlükəsizlik və açıqlığa" diqqət yetirməyi dayandırdığını söyləyib.

İddia ərizəsində milyarder Altmanı fırıldaqçı adlandırıb və həmçinin "OpenAI"ni təsis müqaviləsini pozmaqda günahlandırıb.

Qeyd olunur ki, Mask artıq fevral ayında şirkətə qarşı analoji iddia qaldırsa da, iyunda onu geri götürüb.

İlon Mask "OpenAI"nin yaradıcılarından biri olub, lakin 2018-ci ildə direktorlar şurasından istefa verib. 2023-cü ildə Mask "xAI" yeni süni intellekt şirkətini yaradıb.

Adəm Abbaslı