“Ağ cəmiyyət” şəbəkəsini görün kim maliyyələşdirirmiş

İctimai müzakirələrə təsir etmək istəyən “irq elmi” fəallarının beynəlxalq şəbəkəsi ABŞ-ın multimilyoner texnoloji sahibkarı tərəfindən gizli şəkildə maliyyələşdirilib.

Publika.az xəbər veri ki, bu barədə “The Guardian” məlumat yayıb.

Gizli görüntülər iki il əvvəl yaradılmış İnsan Müxtəlifliyi Fondu (HDF) adlı təşkilatın mövcudluğunu ortaya çıxarıb. Onun üzvləri müəyyən etnik qrupların ehtimal edilən genetik üstünlüyü haqqında “təhlükəli ideologiya” yaymaq üçün podkastlardan, videolardan, onlayn jurnaldan və elmi məqalələrdən istifadə edirdilər.

İrqçilik əleyhinə olan xeyriyyə təşkilatı "Hope Not Hate"("Nifrət deyil, Ümid et"), ifrat sağçı konfransda qrupun ingilis təşkilatçısı, keçmiş dinşünaslıq müəllimi ilə qarşılaşdıqdan sonra araşdırmaya başlayıb. Gizli görüntülər "Hope Not Hate" və Almaniyadakı tərəfdaşları ilə əlavə araşdırmalar aparan Britaniyanın "The Guardian" nəşri ilə paylaşılıb.

Qeydlər göstərir ki, təşkilat tanışlıq saytlarında var-dövlət qazanan biznesmeni Endryu Konrudan 1 milyon dollardan çox pul alıb. "The Guardian" ilə əlaqə saxladıqda, o, qrupun missiyasından uzaqlaşdığını söyləyərək, məlumatı təkzib edib.

HDF açıq müzakirə mövzusu olaraq "irq elmi" adlandırılan elmi reabilitasiya hərəkatının bir hissəsidir.

Onun tərəfdarları qruplar arasında qeyri-bərabərliyin ayrı-seçkilik kimi xarici amillərlə deyil, əsasən genetika ilə izah edildiyini iddia edirlər.

Fevral ayında Almaniyada siyasətçilərin Potsdamda “yenidən mühacirət” mövzusunda keçirilən konfransında iştirak etdiyi üzə çıxandan sonra etirazçılar küçələrə çıxıb. Nümayəndələr arasında Erik Arens adlı bir fəal da var idi.

Artıq Almaniyada məşhur olan Erik hakimiyyət orqanları tərəfindən "sağçı ekstremist" kimi təsnif edilmişdi və o, xüsusilə gəncləri radikallaşdırmaq baxımından "son dərəcə yüksək" risk yaratdığı qənaətinə gəlmişdi.

Araşdırma nəticəsində məlum olub ki, Arens bir neçə aydır HDF üzvləri ilə işləyirmiş.

Keçən il Londonda keçirilən tədbirdə Arens öz auditoriyasını “ağ cəmiyyətin” gücünü bərpa etmək üçün nəzərdə tutulmuş gizli kluba qoşulmağa çağırıb.

Adəm