SON DƏQİQƏ: İran ABŞ hərbi texnikasını vurdu, Vaşinqton cavab verdi - FOTO (YENİLƏNDİ)

İranın İRNA rəsmi xəbər agentliyi İnqilab Keşikçiləri Korpusu tərəfindən vurulan ABŞ PUA-sının görüntüsünü paylaşıb.

Publika.az xəbər verir ki, ABŞ-da məlumatı təsdiq edib. Açıqlamada “Donanma qüvvələrimizə bağlı yüksək hündürlükdən uça bilən pilotsuz uçuş aparatı qurudan havaya raketlə Hörmüz boğazının hava məkanında vuruldu” sözləri qeyd edilib.

***

10:20

ABŞ ordusu İranın onlara aid PUA-nı vurması ilə bağlı məlumata aydınlıq gətirib.

Publika.az xəbər verir ki, ABŞ Mərkəzi Komandanlığının nümayəndəsi Bil Urban iddianı təkzib edib və PUA-larının İran ərazisinə daxil olmadığını bildirib.

***

09:27

İran İslam Respublikası Silahlı Qüvvələrinin İnqilab Keşikçiləri Korpusu ABŞ ordusuna aid “Global Hawk” tipli Pilotsuz Uçuş Aparatını vurub.

Publika.az xəbər verir ki, hadisə İranın Hörmüzgan əyalətində - Oman körfəzinin sahilində baş verib.

Korpusun Aviasiya-Kosmos Qüvvələri bu barədə məlumat yayıb.

Qeyd edək ki, ABŞ İslam İnqilabı Keşikçiləri Korpusunu xarici terror təşkilatları siyahısına daxil edib.