BMT, Rusiya və Avropa İttifaqından Türkiyə AÇIQLAMASI: Bu, çox vacibdir!

“Türkiyənin təhlükəsizlik qayğılarını anlayırıq, ancaq Suriyanın ərazi bütövlüyünun qorunması vacibdir”.

Publika.az xəbər verir ki, bu sözləri Kremlin mətbuat katibi Dmitri Peskov Türkiyənin Fərat çayının şərqində yerləşən terror ünsürlərini təmizləmək üçün hərəkətə keçməsi ilə bağlı açıqlamasında deyib.

Mətbuat katibi qeyd edib ki, Türkiyə bu mövzuda Rusiyanın mövqeyini bölüşür. Moskvanın mövqeyi isə Suriyada qeyri-leqal şəkildə qüvvələrini saxlayan bütün xarici tərəflərin oradan çəkilməsinin vacibliyidir.

Avropa İttifaqı

Avropa İttifaqından verilən açıqlamada isə böhranın hərbi yolla həllini tapmayacağı bildirilib.

BMT

Birləşmiş Millətlər Təşkilatından məsələ ilə bağlı qəribə açıqlama gəlib. Cenevrədə jurnalistlərlə görüşən BMT Suriya Böhranının Humanitar Yardım kordinatoru Panos Moumtzis bütün tərəflərə dinc sakinlərin yurdlarından çıxarılmasının qarşısının alınması çağırışı edib. O, əməliyyatın gerçəkləşəcəyi təqdirdə lazımi fövqəladə vəziyyət planları hazırladıqlarını bildirib. Təcili ehtiyacı olanlara qida və tibbi yardım edə bilmək üçün bölgə ilə əlaqə saxlamalarının lazım olduğunu açıqlayıb. BMT təmsilçisinin Serebnitsa soyqırımından nümunə gətirərək “acı gerçəklər yaşadıq” sözləri sərt reaksiyaya səbəb olub.

Türkiyənin dəqiqliyi

Türkiyə “Fərat Qalxanı” və “Zeytun budağı” əməliyyatlarında dinc sakinlərin zərər görməməsi üçün böyük dəqiqliklə işləyib. Məhəllələrdə aparılan əməliyyatlar zamanı dinc sakinlər PKK-çılar tərəfindən qalxan kimi istifadə edilib. Türk ordusu mülki şəxslərə zərər gəlməməsi üçün çox sayda şəhid verib. Hətta məhz bu səbəbə görə əməliyyatların vaxtı uzadılıb və maliyyə yükü çoxalıb.

Zümrüd