Qəzzanın böyük hissəsinə nəzarət ƏLƏ KEÇİRİLDİ - İDF İçərişəhəri hədəfə aldı

İsrail Müdafiə Qüvvələri ( İDF ) Qəzza şəhərinin böyük hissəsinə nəzarəti ələ keçirib.

Publika.az xəbər verir ki, bu barədə “The Jerusalem Post” məlumat yayıb.

"Son günlərdə İsrail ordusu (İDF) Qəzzaya zərbələrin miqyasını genişləndirib, hər gecə 140-dan çox hədəfi vurur. Bu müddət ərzində təxminən 800 min sakin şəhərdən təxliyə edilib", - İsrail mənbəsi yazır.

KİV-in məlumatına görə, İDF Əl-Nadi, Şeyx Ajlin, Zeytun, Şucaiya və Tuffa ərazilərinə nəzarət edir.

Hazırda İDF şəhərin “ürəyi” hesab edilən əsas Əl-Rimal məhəlləsinə nəzarət edə bilmir. Burada Fələstinin bank infrastrukturu, dövlət qurumları, universitetləri və media mərkəzləri yerləşir. Həmçinin burada HƏMAS-ın yüksək səviyyəli rəsmiləri məskən salıblar.

İsrail ordusu Qəzzanın mərkəzində yerləşən İçərişəhəri də hələ ələ keçirməyib. Agentliyin məlumatına görə, HƏMAS qüvvələri ört-basdır etmək üçün tarixi binalardan istifadə edərək orada yerləşib. Bundan başqa, İsrailin hərbi planlarına Fələstin qaçqınlarının düşərgəsinin yerləşdiyi Əş-Şati bölgəsi uğrunda döyüş də daxildir.

Hüseyn İbadlı