Yaxın Şərq

"Biz nə döyüş meydanını, nə də danışıqlar masasını tərk etmişik" - Pezeşkian

8 İyun 2026 17:55

İran prezidenti Məsud Pezeşkian ölkəsinin heç bir təhdid qarşısında geri çəkilməyəcəyini bəyan edib.

Publika.az xəbər verir ki, o, sosial şəbəkə hesabında paylaşdığı açıqlamada İranın əsas prioritetlərinin milli təhlükəsizlik və vətəndaşların rifahı olduğunu vurğulayıb.

“Güclü silahlı qüvvələrimiz və hökumətimiz İran xalqının hüquqlarını bütün gücü ilə müdafiə edəcək. Biz heç bir təhdid qarşısında geri çəkilməyəcəyik”, - deyə Pezeşkian bildirib.

İran prezidenti qeyd edib ki, diplomatiya və müdafiə ölkənin milli gücünün iki əsas dayağıdır.

“Biz nə döyüş meydanını, nə də danışıqlar masasını tərk etmişik. Ümid edirik ki, birlik və rasional yanaşma sayəsində İran bu sınaqdan da qürurla çıxacaq”, - deyə o əlavə edib.

Pezeşkian vurğulayıb ki, milli təhlükəsizliyin və vətəndaşların əmin-amanlığının təmin edilməsi hökumətin əsas vəzifəsidir. Onun sözlərinə görə, İran xarici təzyiqlərə boyun əymədən öz hüquqlarını qətiyyətlə müdafiə etməyə davam edəcək.