Yanacaq dolduran təyyarələr İran sərhədində - Yeni hücum dalğası başlayır?

Təl-Əvivdən havaya qalxan iki "Boeing KC-46A Pegasus" tipli yanacaq dolduran təyyarə İranın hava məkanının yaxınlığında, Fars körfəzinin neytral suları üzərində dövrə vurur.

Publika.az xəbər verir ki, bu barədə Yaxın Şərqin hava dispetçer xidmətlərindəki mənbə TASS-a məlumat verib.

Mənbənin sözlərinə görə, daha bir eyni tipli təyyarə körfəzin qərb sahili rayonunda yerləşir. Bundan əvvəl Pentaqon Hörmüz boğazında "Apache" helikopterinin qəzaya uğraması ilə bağlı araşdırmalara başlayıb.

ABŞ Prezidenti Donald Tramp helikopterin İran qüvvələri tərəfindən vurulduğunu və Amerika tərəfinin buna cavab verməli olduğunu bildirib. Bununla belə, "ABC News" kanalına verdiyi müsahibədə ABŞ prezidenti qeyd edib ki, İrana qarşı genişmiqyaslı əməliyyat çox baha başa gələ bilər.

Trampın sözlərinə görə, bu, Hörmüz boğazının daha uzun aylar ərzində bağlanmasına gətirib çıxaracaq çox ciddi addım olardı. Tərəflər arasında memorandumla bağlı aparılan danışıqlar hələlik heç bir irəliləyişə səbəb olmayıb.

Hüseyn İbadlı