Almaniya hökumətində qarşıdurma, Mertsdən hədə: Səbrim tükənir

Almaniya kansleri Fridrix Merts hakim koalisiyanın bir hissəsi olan Almaniya Sosial Demokrat Partiyasına (SPD) qarşı səbrinin tükəndiyini açıqlayıb.

Publika.az xəbər verir ki, "Rheinische Post" qəzetinin məlumatına görə, partiyanın Bundestaqdakı fraksiyası infrastrukturun gələcəyi ilə bağlı qanunvericiliyin qəbul edilməsinə mane olur.

"Səbrim tükənir", - Merts hədələyici tonda bildirib.

Bu qanun əsas infrastruktur layihələri üçün planlaşdırma və təsdiq prosedurlarını sürətləndirmək, rəqəmsallaşdırmaq və sadələşdirmək üçün əsas layihədir. Almaniya Nazirlər Kabineti onu 2025-ci ilin dekabr ayında təsdiqləyib. Lakin o vaxtdan bəri Bundestaqda müzakirə olunur və SPD onun irəliləyişinə mane olur.

Sosial Demokratlar bunun müqabilində təbii infrastrukturun gücləndirilməsi ilə bağlı qanun tələb edirlər. Lakin hazırda bu qanun idarələrarası təsdiq mərhələsindədir və mühafizəkar siyasətçilərin müxalifəti səbəbindən hələlik kabinetə çatmayıb. Qanun ekoloji layihələrin həyata keçirilməsində bürokratiyanı azaltmaq məqsədi daşıyır.

Müəllif: Tural