ABŞ yeni “qan çanağı” yaradırmış: “Hizbullah”ın üzərinə bu ölkəni göndərmək istəyirmiş

Suriya hakimiyyəti ABŞ-ın Livan şiə hərəkatı “Hizbullah”a qarşı güc tətbiq etmək təklifini rədd edib.

Publika.az "The National"a istinadla xəbər verir ki, bunu Suriya prezidentinin müşaviri Əhməd Zidan bildirib.

"ABŞ Suriyanın Livana müdaxilə etməsini təklif etdi. Suriya hökuməti hərbi müdaxilədə maraqlı deyil. Bəzi beynəlxalq oyunçular hərbi yanaşmaya əl ata bilərlər, lakin bu cür hərəkətlərin regionda təsirsiz olduğu sübut edilib", - deyə o qeyd edib.

Zidanın sözlərinə görə, Dəməşq Livan hökumətinin dövlət qurumlarını gücləndirmək səylərini dəstəkləyir, lakin xarici hərbi müdaxiləyə qarşı çıxır.

Nəşr həmçinin qeyd edir ki, Suriya prezidenti Əhməd əl-Şaraanın Vaşinqtona mümkün səfəri əvvəllər müzakirə olunmuşdu və orada Suriyanın Livandakı vəziyyətdəki rolu müzakirə edilə bilərdi. Lakin Amerika tərəfi daha sonra belə bir səfərin hazırda gündəmdə olmadığını bildirdi.

Əvvəllər mediada ABŞ-ın Livandakı vəziyyətin həllinə Suriyanı cəlb etməyi nəzərdən keçirdiyi barədə məlumatlar yayılmışdı, lakin bu məlumatlar rəsmi olaraq təkzib edilmişdi.

Müəllif: Tural