Rusiyanın Türkiyədən istəyəcəkləri olacaq - Politoloq

“Ukrayna və Rusiya arasında hərbi böhran Qərblə Rusiya arasında siyasi problemə gətirib çıxarıb. Demək olar ki, ABŞ və Rusiya Ukrayna məsələsində ortaq məxrəcə gələ bilmir”.

Bu fikirləri Publika.az-a açıqlamasında politoloq Məhəmməd Əsədullazadə deyib.

src="/storage/files/upload/afa841796d2d07d65d6f2d0bbe837019cc801eef.jpg" style="width: 433px; height: 287.223px;" class="fr-fic fr-dib fr-fil">

Politoloqun sözlərinə görə, burada ABŞ və Rusiyanın geosiyasi maraqları var: “Rusiyanın konkret olaraq Ukraynaya qarşı aqressiyası yeni müharibəyə gətirib çıxara bilər. Normand formatında keçirilən görüşdə danışıqlar baş tutmur. Türkiyənin Ukrayna və Rusiya arasında vasitəçilik təklifini irəli sürməsi Rusiya tərəfindən müsbət qarşılanıb. Ankara Kiyev və Moskva arasında vasitəçilik edə bilər və mümkün ortaq məxrəcə gəlinə bilər. Görünür, Qərbin Rusiyaya qarşı birlik nümayiş etdirməsi Moskvanı çıxılmaz vəziyyətə gətirib”.

M.Əsədullazadə vurğulayıb ki, Türkiyə təkcə Ukrayna ilə bağlı deyil, Qərblə Rusiya arasında da vasitəçi ola bilər: “Putinin Ərdoğanın təklifini qəbul etməsi düşünürəm ki, müsbət bir prosesdir. İki olkənin müharibə etməsinin qarşısını bir müddət ala bilər. Rusiyanın da Türkiyədən istəyəcəkləri olacaq. Bütövlükdə Ukrayna məsələsi “Qordi düyünü”dür. Türkiyənin bu düyünü açması bir o qədər asan deyil. Amma kompromis ola bilər. İlk növbədə Rusiya aqressiv siyasətdən geri çəkilməlidir”.