Bu, birliyimizi daha da möhkəmləndirəcək – Mollazadə

“30 illik işğal dövründə, həmçinin 44 günlük müharibə zamanı Azərbaycan həqiqətlərinin dünyaya çatdırılmasında xaricdə yaşayan soydaşlarımızın fəaliyyəti danılmazdır. Onlar erməni vandalizminin, vəhşiliyinin, azərbaycanlıların başına gətirilən soyqırımı faktlarının dünya ölkələrində göstərilməsində öz səylərini əsirgəməyiblər. Eyni zamanda, mədəniyyətimizin tanıdılması istiqamətində diaspor təşkilatlarımız uğurla fəaliyyət göstəriblər”.

Bunu Publika.az-a açıqlamasında Milli Məclisin deputatı, Azərbaycan Demokratik İslahatlar Partiyasının (ADİP) sədri Asim Mollazadə deyib.

src="/storage/files/upload/78df0821c27c302ad1d5d8aa0a85a2af60b2f57a.jpg" style="width: 477px; height: 298.92px;" class="fr-fic fr-dib">

Deputat bildirib ki, Azərbaycanın dövlət siyasətində də diaspor quruculuğu hər zaman önəmli yer tutub:

“Dünyanın müxtəlif ölkələrində yaşayan azərbaycanlıları daim bir amal - Azərbaycan sevgisi birləşdirib. Hesab edirəm ki, V qurultayın məhz Şuşada keçirilməsi rəmzi xarakter daşıyır. Bu, onu nümayiş etdirir ki, Şuşa bütün dünyada azərbaycanlıları birləşdirən dərin, zəngin mədəniyyət ocağıdır. Bu, Azərbaycan mədəniyyətinə hörmət və soydaşlarımızı birləşdirən sevgidir. Qurultayın Şuşada keçirilməsi çox gözəl təşəbbüsdür və azərbaycanlıların birliyini daha da möhkəmləndirəcək”.