"Rus xalqı eyforiyadadır, ermənilər kimi...” – Keçmiş nazir

“Böyük yeddilik ölkələri Rusiyanın Ukrayanaya işğal hücumu nəticəsində əmələ gələn qlobal aclığın qarşısını almaq üçün ittifaq yaratmaq qərarına gəlib. Rusiya dünyanın başına böyük bəlaya çevrilib. Rus xalqı isə hələ də eyforiyadadır, nə baş verdiyini dərk etmək qabiliyyətindən məhrumdurlar”.

Bunu Publika.az-a açıqlamasında keçmiş maliyyə naziri Saleh Məmmədov Rusiya-Ukrayna savaşının yaratdığı iqtisadi çətinliklərin pərdəarxasından danışarkən deyib.

Keçmiş nazir bildirib ki, vaxtilə Adolf Hitlerin təbliğatı da almanları eyni vəziyyətə salmışdı:

“Amma almanların daha çox hissəsi intellektual səviyyəsi yüksək olduğuna görə, durumu daha yaxşı anlayırdılar. Rusiyada isə hələ də orta əsrlər psixologiyası hökm sürür. Yeni dünya düzənini qəbul edə bilmirlər. Bunlar ermənilər kimi başa düşmək istəmirlər ki, 21-ci əsrdə sərhədləri zorla dəyişmək olmaz. İşğal etmək olmaz, qul saxlamaq olmaz, qarət etmək qadağandır! Eyni zamanda, bütün dünyaya ağalıq etmək mümkün deyil. İnsan cəmiyyətinə qarşı müharibə elan etmək yolverilməzdir. İnsanı və ümumiyyətlə, canlını öldürmək cinayətdir. Rus hakimiyyəti və cəmiyyəti bunu anlamaq istəmir, və yaxud anlayanların sayı çox azdır. Belələri varsa da, ciddi təsir gücünə malik deyillər”.