Nida.az
Cənubi Qafqazda Ağ Ev – Kreml savaşı: Nulandın Bakı səfərinin pərdəarxası – Təhlil
ABŞ Cənubi Qafqaza dair strateji planlar hazırlayır. Azərbaycan Avropanın taleyinin həllində addımlarını sürətləndirir. Gərginləşən Vaşinqton-Bakı münasibətlərində buzlar hələ də əriməyib.
Son dövrlər qabarıq şəkildə görünən bu siyasi tezislər fonunda ABŞ
Dövlət katibinin müavini Viktoriya Nulandın Cənubi Qafqaza səfəri
diqqət çəkməyə bilməz.
Viktoriya Nuland: Xanım siyasətçi Vaşinqtonun ən
təcrübəli diplomatlarından hesab olunur. Dövlət katibinin Avropa və
Avrasiya üzrə köməkçisi olan Nuland Ukrayna böhranında aktivliyi
ilə yadda qaldı. Maydan hadisələrinin mərkəzində dayanan
isimlərdəndir. Avropa Birliyinin siyasətini sərt tənqid edən
siyasətçilərdən olan Nuland daha çox problemləri kökündən həll
etməyin tərəfdarı kimi çıxış edir.
Xanım Nuland son bir neçə ildə Azərbaycana səfər etmiş ən yüksək
amerikalı məmurdur. Onun Cənubi Qafqaz turnesinin arxasında Ağ Evin
regiona aid strategiyası dayanmaqla yanaşı, bu turneyə Bakıdan
başlaması da təsadüfi deyil. Ötən ilin ortalarından başlayaraq
Vaşinqton-Bakı münasibətlərində gərginliyin sabit ağır olaraq
qalması ABŞ-ın regiona dair siyasəti üçün sərf etmirdi. Məhz buna
görə nüfuzlu ABŞ konqresmenləri Azərbaycanın önəmini Obama
administrasiyasının diqqətinə çatdırırdı. Morninqstarın gedişindən
yalnız 7 ay sonra Vaşinqton yeni səfirini Bakıya göndərdi. 12
fevralda Bakıda təyyarədən düşən Sekutanın Azərbaycanda ilk işi
gəlişindən 4 gün sonra Nulandı eyni hava limanında qarşılamaq oldu.
Görünür, Vaşinqton Cənubi Qafqaz strategiyasında Bakının önəmini
anlayıb, yaxud Ağ Evdə kimsə Azərbaycana yönəlik “müəllim
ritorikası”nın ABŞ-ın özünə ziyan olduğunu dərk edib.
Nulandın regiona turnesini Bakıdan başlaması da çox şeyi deyir. Bu,
“Vaşinqton Cənubi Qafqaza regionu lider ölkəsindən
baxmaq qərarına alıb” tezisini müdafiə edir.
1. Azərbaycan Cənubi Qafqazın iqtisadi və siyasi cəhətdən
ən güclü ölkəsidir və Avropa Birliyi ilə Assosiativ sazişə imza
atmış Gürcüstanın taleyi bir çox amillərə görə Bakıdan
asılıdır.
2. Azərbaycan Cənubi Qafqazın yeganə ölkəsidir ki, müstəqil
xarici kurs seçib və Rusiya-Qərb qarşıdurmasında tərəf olmamaq kimi
çətin işin öhdəsindən gəlməyi bacarır.
3. Azərbaycanın yanında olacağı tərəf Rusiya-Qərb
qarşıdurmasının Cənubi Qafqaz mərhələsində qalib
olacaq.
Vaşinqton üçün Bakının önəmini kəsb edən çoxlu sayda amilləri
sadalamaq mümkündür. Lakin əsas olan Obama administrasiyasının bunu
anlaması və ikitərəfli əlaqələrə zərbə vuracaq ritorikalardan
çəkinməsidir.
V. Nulandın Bakıda verdiyi açıqlamalarda xüsusi xətlə seçilən bir
neçə məqam da xanım siyasətçinin Ağ “Ev tapşırığını” yerinə
yetirdiyini göstərirdi.
“Bu gün bizə effektiv strukturlaşdırılmış dialoq
lazımdır. Mən çox şadam ki, bu gün prezident İlham Əliyev bu cür
dialoq formatının yaradılmasına razılıq verdi... ABŞ-la Azərbaycan
arasında imzalanmış ikitərəfli strateji tərəfdaşlıq haqda sazişin
bəndlərindən biri məhz insan haqları və demokratiya problemlərinə
dair dialoq formatının yaradılmasını nəzərdə
tutur”.
Xanım Nulandın bu açıqlaması Vaşinqton-Bakı münasibətlərində
qarşıdakı mərhələdə buzların əriyəcəyi fikrini gücləndirir. Ağ Ev
regionun əhəmiyyətli siyasi qüvvəsini diktə dili ilə yox,
diplomatik yolla yanına çəkmək istəyir.
“Cənub qaz dəhlizi təkcə Azərbaycan deyil, həmçinin
eyni enerji mənbəyindən çox asılı olan bütün Avropa ölkələri üçün
vacibdir”, - deməklə Vaşinqtonun elçisi Azərbaycanın
Qərb yarumkürəsi üçün etdiklərini unutmadıqları mesajını verdi.
Nəhayət, Dağlıq Qarabağ münaqişəsi. Xanım Nuland münaqişə ilə bağlı
klassik Amerika mövqeyini ifadə etsə də, kəlbəcərli girovlarımızın
qaytarılmasının vacibliyini vurğulaması və bunu İrəvanda da dilə
gətirəcəyinə söz verməsi müəyyən işartılardan xəbər verir.
Görünür, Vaşinqton Bakının ərazi bütövlüyünü bərpa etmək prinsipinə
yanaşmasında mövqeyini düzəltmək qərarına gəlib və bunu kəlbəcərli
girovların azad olunmasına töhfə verməklə nümayiş etdirmək
niyyətindədir.
Təbii ki, bunun baş verməsi Ağ Evin rəsmi Bakı üçün önəmini artıra
bilər. Bu isə ümumi fonda Moskvanın qiymətini dəyərdən salmaqla
nəticələnəcək.
V. Nulandın Cənubi Qafqaz turnesi də məhz buna hesablanıb:
Kremlin Cənubi Qafqazda mövqelərini
vurmaq.
Fevralın ilk günlərində Vaşinqtonda keçirilən “Ukraynadan
sonra Cənubi Qafqazda enerji məsələləri və təhlükəsizlik”
mövzusunda toplantı Nulandın səfəri kontekstində yada salınmalıdır.
Toplantıda amerikalı ekspertlər Rusiyanın Cənubi Qafqazda
möhkəmlənən mövqelərindən və ABŞ-ın gecikmədən hərəkətə keçməsinin
vacibliyindən danışdılar.
Rusiya Federasiyası İctimai Palatasının üzvü Veronika
Kraşennikovanın bu gün Rusiya KİV-inə açıqlaması da bu kontekstdə
diqqət çəkir.
“ABŞ bu regionun əhəmiyyətini əla anlayır və Ukrayna böhranı
kontekstində region ölkələrinin əhəmiyyəti artıb. Bununla bağlı biz
“ABŞ və NATO-nun Cənubi Qafqazda strateji planları” məruzəsini
hazırlamışıq. Təfərrüatlarına nəzər saldıqda, amerikalılar və
müttəfiqlərinin regiona təşəbbüs etdiklərini görürük”, - deyə xanım
Kraşeninnikova bildirir.
Görünür, Vaşinqton düyməyə basıb: Kreml Cənubi Qafqazdan
qovulmalıdır. Vaşinqtondakı toplantıdan sonra Dövlət katibinin
müavinin regiona turnesinin pərdəarxası nüansları açığa çıxır.
“Cənubi Qafqazda enerji məsələləri” (konfransın adında belə
deyilirdi – red.) dedikdə təbii ki, söhbətin Azərbaycandan getdiyi
sirr deyil. Xanım Nulandın turneyə Bakıdan başlaması da bu mənada
aydın olur.
Dövlət katibinin müavinin Bakı səfəri bir ehtimalı da gücləndirir: Yaxın vaxtlarda Bakı yüksək səviyyəli Rusiya rəsmilərini qəbul edəcək. Tarixi təcrübə məhz bu fikrin müdafiəsinə əsas yaradır.
Asif Nərimanlı
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin118 Aprel 22:48
Məşhur xanəndə ONLARI QINADI: "Bu saat necə gəldi geyinirlər" - FOTO