Azərbaycan neftlə bağlı tədbirlərini çoxdan görüb - İqtisadçı

“Neftin qiymətinin aşağı düşməsi ölkəmiz üçün ciddi təhlükə daşımır”.

Bunu Publika.az-a açıqlamasında İqtisadi Resursların Öyrənilməsi Mərkəzinin rəhbəri, iqtisadçı Ruslan Atakişiyev deyib.



Ekspert bildirib ki, Azərbaycan hökuməti neftin qiymətinin aşağı düşməsi ilə bağlı ehtiyat tədbirlərini çoxdan görüb: “Bu tədbirləri bir neçə istiqamətə ayırmaq olar. Bunlardan birincisi dövlət büdcəsinin xərclərinin həyata keçirilməsində qənaətcillik rejiminin aktivləşdirilməsidir. İkinci məsələ isə bundan ibarətdir ki, Azərbaycan Mərkəzi Bankının strateji valyuta ehtiyatlarının həcmi 6.2 milyard dollardır. Dövlət Neft Fondunda isə 43 milyard dollar vəsait var. Birlikdə təxminən 50 milyarddan çox vəsait var. Hökumət düşünür ki, dollara ehtiyac artarsa və ya neft qiymətinin aşağı səviyyədə olması davamlı xarakter daşıyarsa, ehtiyat vəsaitlərdən istifadə etməyəcək. Əhali isə ekzogen prosesləri hiss etməyəcək. Düşünürəm ki, biz yetərincə tədbirliyik”.

Məhərrəm Əliyev