İnkişafımız, müstəqilliyimiz birmənalı şəkildə Azərbaycan Xalq Cümhuriyyətinə əsaslanır - ŞƏRH

“Müstəqil xarici siyasət, vətəndaş cəmiyyətinin inkişafı, ölkədə milli ruhun yüksəlməsi təkcə rəmzi xarakter daşıyan atributlar deyil. Bunun arxasında dərin məna var. Bu məna ondan ibarətdir ki, Azərbaycanın onilliklər bundan əvvəl bəyan etdiyi prinsiplər və prioritetlər bu gün həyata keçirilir”.

Bunu Publika.az-a açıqlamasında politoloq, Qərbi Kaspi Universitetinin professoru Fikrət Sadıqov deyib.

Politoloq bildirib ki, inkişafımız, müstəqilliyimiz birmənalı şəkildə Azərbaycan Xalq Cümhuriyyətinə əsaslanır: “Azərbaycan Respublikası AXC-nin real davamçısına çevrilib. Azərbaycanın onilliklər bundan əvvəl bəyan etdiyi prinsiplər və prioritetlər bu gün həyata keçirilir. Əlbəttə ki, bu prinsiplər sırf o dönəmdə bəyan edilən formada həyata keçirilə bilməzdi. Çünki zaman və geosiyasi vəziyyət dəyişib. Azərbaycan Xalq Cümhuriyyətinin prinsiplərinə əsaslanaraq dövlətimiz indiki reallıqları nəzərə alıb, geosiyasi proseslərdə iştirak edərək çox sayda irimiqyaslı layihələrin təşəbbüskarı oldu. Həmin prinsipləri daha da modernləşdirib, inkişaf etdirib, ədəbi xarakter daşımasına töhfə verdi”.

Məhərrəm Əliyev