Bu, Azərbaycanın böyük zəfəridir – Deputat
Bizi izləyin

Nida Təhlil

Bu, Azərbaycanın böyük zəfəridir – Deputat

“Türkdilli Dövlətlərin Əməkdaşlıq Şurasının Vlll Zirvə Görüşü tarixi hadisədir. Ümumiyyətlə, Türk Dövlətləri Şurasının yaradılmasının, yeni təşkilatın qurulmasının özünü də böyük bir tarixi hadisə kimi qiymətləndirirəm. Bu tarixi hadisə yeni bir birliyin, təşkilatın dünyaya gəlişidir. Eyni zamanda bu demokratiya, haqq, ədalət və əməkdaşlıq təşkilatı ölkəmizi milli, mənəvi, tarixi dəyərlər üzərində birləşdirir”.

Bunu Publika.az-a açıqlamasında Milli Məclisin deputatı, Azərbaycan Demokratik İslahatlar Partiyasının (ADİP) sədri Asim Mollazadə deyib. O bildirib ki, gələcəkdə türk dövlətlərinin siyasi, təhlükəsizlik, iqtisadi sahələrdə əməkdaşlığı ilə yanaşı, bu təşkilat mədəni, humanitar sahələrdə də böyük bir əməkdaşlıq potensialına malikdir:

“Yeni nəqliyyat dəhlizləri, enerji sahəsində olan birgə sistemlərin formalaşmağı gələcəyə ümidlə baxış vəd edir. Bu dövlətlərin birliyi böyük bir ərazidə yeni sistemin formalaşmağına imkan verəcək. Əminəm ki, bu təşkilatda iştirakçı olan ölkələrin digər böyük potensialı yeni nəslin inkişafına təkan verməkdir. Gələcəkdə bilikli, yüksək səviyyəli peşəkarlardan ibarət olan sistemi formalaşdıracaqlar. Eyni zamanda dünyada mövcud olan rəqabətə qarşı bu təşkilat hər bir ölkənin səylərini birləşdirəcək. Bu tarixi hadisə ilə bağlı hamını təbrik edirəm. Çünki bu, Azərbaycan dövlətinin uzun illərdir ki, həyata keçirdiyi strategiyanın böyük bir zəfəridir”.

Tural Turan

Oxumağa davam et
Reklam
Reklam

Gündəm