İrəvanın Nyu-Dehlidən alacağı silahlar: 4 sual və cavab

Hindistanın “The Economic Times” qəzeti sözügedən ölkənin Ermənistana 244 milyon dollar dəyərində silah-sursat, o cümlədən “Pinaka” reaktiv yaylım atəşi sistemləri və “Svati” (“Swathi”) radarları tədarük edəcəyini yazıb.

Publika.az “Pinaka” reaktiv yaylım atəşi sistemləri və “Svati” radarlarının texniki xüsusiyyətləri barədə araşdırma aparıb.

1. “Pinaka” reaktiv yaylım atəşi sistemləri nədir?

“Pinaka” çoxbarrelli reaktiv yaylım atəşi sistemləri (“Pinaka” multi-barrel rocket launchers) müxtəlif növ döyüş başlıqları və partlayıcı maddələrlə maksimum 38 km uzaqlığa sərbəst uçan artilleriya raketlərindən, çoxbarelli buraxılış, doldurma və yükləmə, doldurma maşınları və komanda məntəqəsindən ibarətdir.

Bir “Pinaka” raket qurğusu yük maşınına quraşdırılır və hər biri altı raketdən ibarət iki qondolaya malikdir. Altı buraxılış qurğusu birlikdə cəmi 72 raketə malik bir batareyanı təşkil edir.

Bütün 72 raket və ya bir batareya 44 saniyəyə atılaraq 1 kvadrat kilometr ərazini zərərsizləşdirə bilər. Hər bir raket qurğusu başqa istiqamətlərə də atəş aça bilər. Sistem çevikdir və bütün raketlər eyni vaxtda və ya bir neçə yaylım atəşi ilə buraxıla bilər.

Həmçinin, 60 km uzaqlığa uçan “Pinaka Mk-II” raketi də hazırlanıb. “Pinaka” reaktiv yaylım atəş sistemi və yer sistemləri bu raketin buraxılışında kiçik dəyişikliklərlə istifadə olunur.

2. “Pinaka” stansiyası hansı rejimlərdə işləyə bilər?

Avtonom rejimdə raket qurğusunun mikroprosessoru atəşin idarə olunması kompüterindən alınan əmrləri avtomatik yerinə yetirir.

Ayrı-ayrı rejimdə raket qurğusu atəşin idarə olunması kompüterinin operatoruna qoşulmur, pult operatoru isə bütün əmrləri lazımi parametrlərlə daxil edir.

Uzaqdan idarəetmə rejimində kabinədən təqribən 200 m məsafədə yerləşən uzaqdan idarəetmə pultu buraxılış sistemini idarə etmək, həmçinin buraxılmış mərmiləri qurğudan boşaltmaq üçün istifadə edilə bilər.

Əllə idarəetmə rejimində sistemin quraşdırılması və işə salınması da daxil olmaqla bütün əməliyyatlar insanlar tərəfindən idarə olunur. Bu rejim mikroprosessorun sıradan çıxdığı və ya operator panelini aktivləşdirmək imkanının olmadığı vəziyyətlər üçün nəzərdə tutulub.

3. “Svati” radar nədir?

“Svati” silah aşkarlayan radarı daxil olan artilleriya və raket atəşlərinin aşkar edilməsi və izlənilməsi üçün nəzərdə tutulub. Burada da məqsəd daxil olan artilleriya və raket atəşlərinin mənbə nöqtəsini müəyyən etməkdir. Konstruksiya və xarakteristika baxımından ABŞ-ın AN/TPQ-37 radarına bənzəyir.

RLS-in imkanlarına eyni vaxtda 7-9 daxili mərmi daxildir və 20 km məsafədə 81 mm-lik minaatanları, 30 km məsafədə 105 mm-lik artilleriya mərmilərini və 40 km məsafədə yüngül idarə olunmayan raketləri aşkar edə bilir. O, hətta yüksək sıxlıqlı atəş mühitində, ciddi radiolokasiya səs-küyü və tıxanma müdaxiləsi şəraitində effektiv işləyə bilər.

İkinci dərəcəli rolda o, həmçinin öz atəşini də izləyə və tənzimləyə bilər.

4. “Svati” radarı Ermənistan ordusuna hansı üstünlükləri verə bilər?

Bu sövdələşmə ilə bağlı Ceyson Starks 2022-ci ilin fevral ayında “Ponars Eurasia”da təhlil dərc etdirərək, “Svati”nin texniki xarakteristikasına və konstruktiv xüsusiyyətlərinə əsaslanaraq, onun Ermənistan arsenalında böyük istifadə perspektivinə malik ola biləcəyini qeyd edib.

Müəllif qeyd edir ki, radardan dağlıq ərazilərdə və sərt iqlim şəraitində səmərəli istifadə etmək olar.

Səxavət Həmid