"Onlar bilirdilər ki, geriyə çəkilməyəcəyik" - Ekspert

“Biz müharibə bitəndən sonra erməni tərəfinə bildirmişdik ki, siz bu bizim tərəfin qoyduğu qayda-qanunlara tabe olaraq silahlı qüvvələri oradan çıxartmalısınız. Artıq üç il keçməsinə baxmayaraq, onlar bunları eləmirlər”.

Bu sözləri Publika.az-a açıqlamasında hərbi ekspert Tərlan Eyvazov deyib.

Ekspertin sözlərinə görə, erməni tərəfi tələblərimizi yerinə yetirməməklə yanaşı, yenidən təmas xətlərimizdə əlavə qurğular qurmağa çalışırlar, mövqelərimizi atəşə tuturlar və Azərbaycanla hər hansı bir təmasdan çəkinirlər.

“Təbii ki, heç bir dövlət ölkəsinin ortasında başqasına məxsus 10 mindən artıq silahlı qüvvənin olmasını istəməz və qəbul edə bilməz. Dəfələrlə onlara xəbərdarlıq olunub. Onlar bildilər ki, biz geriyə çəkilməyəcəyik, öz ölkəmizin, müstəqilliyimizin arxasında duracağıq. Təbii ki, bunu mülki əhali istəmir. Bunu orada olan qondarma qurum və onun ətrafında olan silahlı dəstələr istəyir".

"Azərbaycan da öz Konstitusiyasına, beynəlxalq qanunlara uyğun olaraq bu tədbirləri həyata keçirməyə məcbur oldu. Bu lokal xarakterlidir. Orada bizimlə təmas xəttində olub bizim hədəf məntəqələrimizi güllələyən, atəşə tutan həmin hərbçilər tərksilah ediləcək. Mülki əhali və infrastruktur obyektləri hədəfə alınmır”.

Nəzrin