Nida Xəbər

Cahangir Hacıyevin mülkləri satılsın, pulları şəhid ailələrinə verilsin - Parlamentdə TƏKLİF

14 Noyabr 2018 17:13

“Azərbaycanın ərazi bütövlüyü uğrunda 24 min insan şəhid olub. Mən də döyüşlərdə iştirak etmişəm. Onların içərisində elələri var ki, evini, maşınını sataraq ov tüfəngi alaraq ermənilərlə döyüşlərdə iştirak edib və şəhid olub. Niyə bunlar yaddan çıxmalı, polis işçiləri unudulmalıdır?”.

Publika.az xəbər verir ki, bunu Milli Məclisdə çıxışı zamanı “Ana Vətən” partiyasının sədri, millət vəkili Fəzail Ağamalı deyib.

F.Ağamalı əlavə edib ki, 11 min manat vəsait şəhid hərbi qulluqçuların vərəsələrinin hamısına verilsə, bu 264 milyon manat edir: “Dövlətin büdcəsində müəyyən məhdudiyyətlər var. Bu vəsaitin ödənilməsinə imkan yoxdur. Ona görə Cahangir Hacıyevin Londonda olan, Rüfət Aslanlının mülkləri, obyektləri, maşın kolleksiyaları satılsın və həmin vəsait şəhid hərbi qulluqçuların ailələrinə verilsin. Çünki, o da dövlətin, xalqın puludur”.