Fəzail Ağamalı: Prezident sübut etdi ki, hər zaman xalqının yanındadır

Dünən ölkə prezidenti yüksək səviyyədə müşavirə keçirdi. Prezident həm Azərbaycan xalqına, həm də dünya ictimaiyyətinə sübut etdi ki, dövlət və onun başçısı hər zaman xalqının yanındadır. Cənab prezidentin mövqeyini alqışlayıram.

Publika.az xəbər verir ki, bunu deputat Fəzail Ağamalı Milli Məclisin plenar iclasında çıxış edərkən deyib.

Deputat bildirib ki, İlham Əliyev 2003-cü ildə prezident seçiləndən bu günə qədər Azərbaycan xalqı ilə bərabər olduğunu daima nümayiş etdirib.

Fəzail Ağamalı “Diqlas”dakı yanğından danışarkən sığorta şirkətlərinə də diqqət çəkib. “Mütləq deyil ki, bu cür hadisələr zamanı hər bir şeyi dövlət öz üzərinə götürməlidir. Sadəcə, dövlətin funksiyaları çərçivəsində olmalıdır. İnkişaf etmiş ölkələrə nəzər salaq. Onlarında olduğu kimi Azərbaycanda da sığorta şirkətləri inkişaf etdirilməlidir. Ölkədə sığorta şirkətləri var. Lakin həmin şirkətlər inkişaf etməyiblər. Elə etməliyik ki, sığorta institutu formalaşsın. Belə hadisələr yaşananda sığorta şirkətləri baş verən hadisələr zamanı itkiləri ödəyə bilsin”.