Quru sərhədlərinin bağlı qalması ilə əlaqədar AÇIQLAMA

Beynəlxalq yükdaşımalar və Azərbaycan vətəndaşlarının təxliyəsi, eyni zamanda xüsusi sahədə çalışan vətəndaşlar istisna olmaqla, quru sərhədlərinin qapalı qalması rejimi qüvvədə qalır.

Publika.az xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Operativ Qərargahın bu gün keçirilən brifinqində deyib. O bildirib ki, karantin rejimi çərçivəsində konkret olan sahələrdən qərarların qəbul edilməsi tətbiq edilir. Tədris mövsümünün başlaması ilə əlaqədar qərar verildi ki, ictimaiyyətə məlumat verilsin.

Akif Qurbanov əlavə edib ki, tədris müəssisələrinin açılması yoluxma sayında artıma səbəb ola bilər:

"Hazırda tədris müəssisələrində tədrisin təşkili, o cümlədən tələbələrin tədris prosesində iştirakı müzakirə edilir. Məsələn, şagirdlərin məktəbə hansı qaydada getməsi tənzimlənəcək. Siniflərdə şagirdlərin sayı, dərs cədvəllərinin toqquşmaması, məktəblərdə sıxlığın olmaması, yeməkxanaların, oxu zallarının fəaliyyət göstərməməsi müzakirə olunur. Burada məqsəd yoluxma sayının artmamasıdır. Eyni anda bütün tədris müəssisələrində dərslərin ənənəvi qaydada təşkili mümkün deyil".