Nida Xəbər

Ermənistanın Gəncəyə hücumunun ƏSL MƏQSƏDİ - Konqres prezidenti açıqladı

11 Oktyabr 2020 16:35

“Mülki insanları hədəf alan Ermənistanın məqsədi müharibənin miqyasını genişləndirməkdir”.

Publika.az xəbər verir ki, bunu Dünya Azərbaycanlıları Konqresinin prezidenti Asif Qurban deyib.

O qeyd edib ki, Ermənistan terrorçu bir dövlət olduğunu açıq şəkildə ortaya qoyub: “Ermənistan qaçaq və xain kimi mübarizə aparır. Müharibənin aparıldığı bölgədə məğlub olduqca mülki insanların yaşadığı bölgələrə qəsdən hücumlar edir”.

A.Qurban qeyd edib ki, Ermənistan terrorçu dövlətdir və regional təhlükəsizlik üçün ciddi problemdir: “Ermənistan dinc sakinləri hədəf alır. Onların gözləntisi budur ki, Azərbaycan da mülki şəxslərin yaşadığı yerlərə hücum etsin. Ancaq Azərbaycan beynəlxalq hüquqa hörmət edərək bu addımı atmır. Ermənistanın mqsədi başqa ölkələri də müharibəyə cəlb etmək və bölgədə gərginlik yaratmaqdır. Ermənistanın barbarlığına “dur” deyilməlidir və bu mövzuda dünyadan ədalət gözləyirik”.

Akqabay