Amerikalı hərbi ekspertlər: "Ukraynanın tanklarla bağlı problemi var"

Qərbdə T-72 tanklarının ehtiyatları demək olar ki, tükənib. Hazırda Ukrayna T-55 tanklarının bazasına əsaslanan maşınlarla təchiz edilir. Onlar üçün isə Ukrayna Silahlı Qüvvələrinin döyüş sursatı yoxdur.

Publika.az xəbər verir ki, bu barədə “Military Watch Magazine” yazır.

Qeyd olunur ki, Ukraynaya verilən Sloveniyanın M-55 tankları 105 mm çaplı silahla təchiz olunub.

Məqalədə deyilir : “M-55-in Ukrayna üçün yararlılığı əsas silahının kalibrinə görə sual altında qalır: o, mövcud döyüş sursatlarının növləri ilə uyğun gəlmir” .

Bundan əvvəl Ukrayna Prezidenti Vladimir Zelenski Almaniyanın "Bild" qəzetinə müsahibəsində Almaniya hökumətindən Kiyevi döyüş tankları ilə təchiz etməyi və bununla da müttəfiqlərə nümunə göstərməyi tələb etmişdi.

"Bloomberg" agentliyi xəbər verir ki, Qərb ölkələri hələ də Ukrayna ordusuna Qərb istehsalı olan tanklar təhvil verməyib. Almaniya isə Ukraynada gərginləşən münaqişəyə cəlb edilməmək üçün bunu birinci olaraq etməkdən imtina edir.

Səxavət