Kremldə imzalar atılacaq - Ukrayna regionlarının ilhaqı bu tarixdə rəsmiləşəcək

Rusiya Dövlət Dumasının Kommunist Partiyasından olan deputatı Denis Parfyenov bildirib ki, həmkarları Kremlə dəvət alıblar.

Publika.az xəbər verir ki, bu barədə Denis Parfyenov "Teleqram-kanal"ında yazıb.

Onun sözlərinə görə, sentyabrın 30-da saat 15:00-da orada Prezident Vladimir Putinin iştirakı ilə təntənəli tədbir olacaq.

Deputat məhz hansı tədbirdən söhbət getdiyini açıqlamayıb. “Kommersant” isə yazır ki, Rusiya dövlət başçısının federal parlament üzvləri qarşısında çıxışı sentyabrın 30-na planlaşdırılıb. "Böyük ehtimalla həmin gün referendumların nəticələrinə görə DXR, LXR, Xerson və Zaporojye vilayətlərinin Rusiyaya daxil olması haqqında sazişlərin təntənəli şəkildə imzalanması baş tutacaq", - deyə nəşr bildirir.

Rusiya qanunvericiliyinə görə, beynəlxalq müqavilələr dörd regionun hər biri ilə imzalanacaq, Rusiya Federasiyasının Prezidenti yeni subyektlərin qəbulu ilə bağlı qanun layihələri ilə birlikdə onu ratifikasiya üçün Federal Məclisə təqdim edəcək.

Səxavət