London Kiyevə hərbi yardımı genişləndirir – İlk dəfə helikopter verdi

Ukrayna yeni hərbi yardım paketi çərçivəsində Böyük Britaniyadan üç “Sea King” helikopteri və 10 min artilleriya mərmisi alacaq.

Publika.az xəbər verir ki, bu barədə “The Time” yazır.

Helikopterlərdən biri artıq Ukraynaya gətirilib.

“Bloomberg” qeyd edir ki, London ilk dəfədir Kiyevə helikopterlər verir. Böyük Britaniya Müdafiə Nazirliyinin rəhbəri Ben Uolles hərbi yardımın genişləndirilməsini bu gün, noyabrın 23-də açıqlayıb.

Noyabrda Böyük Britaniyanın yeni baş naziri Rişi Sunak Ukraynaya səfər edib. O, hava hücumundan müdafiə vasitələrini, o cümlədən 125 zenit silahını Kiyevə təhvil verəcəyini və məhv edilmiş infrastrukturun bərpasında iştirak edəcəyini vəd edib. Bu həftə Böyük Britaniya Ukraynaya təkmilləşdirilmiş “Brimstone” raketlərini təhvil verib.

“Westland WS-61 Sea King” helikopterləri kəşfiyyat və axtarış-xilasetmə əməliyyatları üçün istifadə edilə bilər. Hazırda onların buraxılması dayandırılıb. Helikopterin bazar dəyəri 5 milyon funt sterlinq (5,9 milyon dollar) olaraq qiymətləndirilir.

Səxavət