SEPAH-ın komandanı etiraf etdi: Son iğtişaşlarda ən azı 300 nəfəri öldürmüşük
Bizi izləyin

Nida Xəbər

SEPAH-ın komandanı etiraf etdi: Son iğtişaşlarda ən azı 300 nəfəri öldürmüşük

İranda son iğtişaşlar nəticəsində ən azı 300 nəfər həlak olub.

Publika.az xəbər verir ki, bunu çərşənbə axşamı İran İslam İnqilabı Keşikçiləri Korpusunun (SEPAH) Hava-Kosmik Qüvvələrinin komandanı Əmir Əli Hacızadə bildirib.

“Son iğtişaşlarda 300-dən çox insan, düşmənin, yoxsa bizim tərəfimizdə dayandıqlarını ayırd edə bilmədiyimiz üçün həlak olub", - deyə "Mehr" agentliyi Hacızadənin sözlərindən sitat gətirir.

Qeyd edək ki, gənc iranlı qadın Məhsa Əmininin əxlaq polisi tərəfindən saxlanıldıqdan sonra ölümü ilə bağlı sentyabrın ortalarından bəri İranda kütləvi iğtişaşlar və etirazlar davam edir. Küçə iğtişaşları əsasən Gilan, Xuzistan, Sistan və Bəlucistan, Tehran və Kürdüstan əyalətlərində baş verir. İran hakimiyyəti Qərb ölkələrini öz KİV-lərində təxribatçı, anti-İran xarakterli mesajlar yaymaqla yanaşı, İranda hakimiyyəti devirməyə çağıran etirazçıları dəstəkləməkdə ittiham edir.

Məhsa Əmini sentyabrın 13-də Tehranda əxlaq polisi tərəfindən saxlanılaraq polis idarəsinə və hərbi kəşfiyyata məxsus "Fərəc" mərkəzlərindən birinə gətirilib. Bu mərkəzdə qıza işgəncə verilib, bundan sonra dərhal xəstəxanaya aparılıb. Lakin üç gün sonra ölüb. İnsanlar Məhsanın ölümündə əxlaq polislərini günahlandırıblar. Ölkənin müxtəlif şəhərlərində insanlar etiraz etmək üçün küçələrə toplaşmağa başlayıblar. Sosial şəbəkələrdə qızların saçlarını kəsdirərək, hicab və ya “Rusari” adlanan baş örtüyünü yandırdığını əks etdirən videolar yayılıb.

Səxavət

Oxumağa davam et
Reklam
Reklam

Gündəm