Nida Xəbər

Obrayn ermənilərə bildirdi: Naxçıvana maneəsiz yol verməlisiniz - VİDEO

11 İyun 2024 15:11

ABŞ dövlət katibinin Avropa və Avrasiya məsələləri üzrə müavini Ceyms Obrayn İrəvanda Azərbaycandan Naxçıvana gedən yolu müzakirə edib.

Publika.az xəbər verir ki, bu barədə Ermənistan mediası məlumat yayıb.

Erməni KİV-lər Obraynın İrəvanda keçirilən Ermənistan-ABŞ Strateji Dialoqun yekun iclasında çıxışını Vaşinqton tərəfindən Naxçıvana maneəsiz keçidin verilməsi istəyi kimi qiymətləndirib.

Obrayn bildirib ki, ABŞ Mərkəzi Asiyadan Aralıq dənizinə qədər regionda sülhün bərqərar olması, iqtisadi imkanların genişləndirilməsi səylərini təşviq edir.

“Ermənistanla Azərbaycan arasında davamlı süıh əldə edilərsə, bu imkanlar daha da genişlənəcək”, - o bildirib.

Ermənistan mediası Obraynın “Mərkəzi Asiyadan Aralıq dənizinə qədər iqtisadi imkanlar” fikrini Orta dəhlizlə bağlayıb və qeyd edir ki, söhbət Azərbaycandan Naxçıvana gedən, Sünikdən (Zəngəzur) keçən yoldan gedir.

Asif