Ceyhun Bayramov İqor Klimenko ilə təhlükəsizlik məsələlərini müzakirə etdi - FOTO

Azərbaycan xarici işlər naziri Ceyhun Bayramov Ukraynanın Milli Təhlükəsizlik və Müdafiə Şurasının katibi İqor Klimenko ilə görüşüb.

Publika.az xəbər verir ki, bu barədə nazir "X" sosial media hesabında paylaşım edib.

Bildirilib ki, görüş zamanı regional və beynəlxalq təhlükəsizlik məsələləri, eləcə də enerji təhlükəsizliyi sahəsində əməkdaşlıq perspektivləri ətrafında ətraflı fikir mübadiləsi aparılıb.

"Beynəlxalq hüququn fundamental prinsiplərinə uyğun olaraq dövlətlərin suverenliyinin, ərazi bütövlüyünün və beynəlxalq səviyyədə tanınmış sərhədlərinin toxunulmazlığının qorunmasının vacibliyini bir daha təsdiqlədik, həmçinin regionda sülhün, sabitliyin və dayanıqlı inkişafın əhəmiyyətini vurğuladıq", - paylaşımda qeyd olunub.

Was glad to meet with @IhorKlymenkoUA, Secretary of the National Security and Defense Council of Ukraine during my official visit to Ukraine.

We had a substantive exchange on regional and international security issues, as well as prospects for cooperation in the field of… pic.twitter.com/MuTobZU5C0

— Jeyhun Bayramov (@Bayramov_Jeyhun) August 6, 2026