Kobanidə İŞİD-in 25 üzvü öldürüldü - VİDEO

Suriyanın Kobani şəhərini ələ keçirmək üçün 25 gün bundan əvvəl hücuma keçən İŞİD terror təşkilatı ilə kürdlərin Xalq Müdafiə Bölmələri (YPG) arasındakı qarşıdurmalar getdikcə güclənir.

Publika.az-ın verdiyi məlumata görə, koalisiya güclərinin son hava zərbələri nəticəsində İŞİD-in 25 üzvü öldürülüb.

ABŞ-ın liderlik etdiyi koalisiyanın döyüş təyyarələri bu gün Kobaninin cənub və qərb hissəsində yerləşən İŞİD-in bəzi mövqelərinə zərbələr endirib. Hava hücumları ilə zərbə alan İŞİD silahlılarının Kobaninin mərkəzinə irəliləmək cəhdinin qarşısı isə YPG gücləri tərəfindən alınıb. Hələ də küçə döyüşlərinin davam etdiyi Kobanidə tez-tez partlayış səsləri eşidilir.

Kobanidə gedən son küçə döyüşləri İŞİD silahlılarının kameralarında da əksini tapıb.

Ömər Dağlı