Digər
Özəl pensiya fondları ilə bağlı qanunvericilik hazırlanır
Gələcəkdə özəl pensiya fondlarının, eləcə də dövlət pensiya təminatı sistemində yığım komponentinin tətbiqi fərdi hesablar sisteminə əsasən reallaşdırılacaq. Yaradılacaq özəl pensiya fondları könüllü sosial sığortalanmaya əsaslanacaq. Bununla bağlı, qanunvericilik layihəsi bu ilin noyabrında yekunlaşacaq.
Publika.az-ın məlumatına görə, bunu Dövlət Sosial Müdafiə Fondunun sədri Elman Mehdiyev YAP tərəfindən təşkil olunan Heydər Əliyevin 92-ci il dönümü ilə bağlı “Azərbaycan Müasir Dünyada” adlı konfransdan sonra jurnalistlərə verdiyi açıqlamada bildirib. Elman Mehdiyev deyib ki, yaradılacaq özəl pensiya fondları könüllü sosial sığortalanmaya əsaslanacaq: “Bununla bağlı, qanunvericilik layihəsi bu ilin noyabrında yekunlaşacaq. E. Mehdiyev bildirib ki, prezident İlham Əliyevin təsdiq etdiyi pensiya islahatı konsepsiyası da məhz bu sistemin könüllü sosial sığortalanma əsasında reallaşdırılmasına hədəflənir. Aprel ayında Azərbaycan Respublikasında dövlət pensiya sisteminin yığım komponentinin tətbiqi, özəl pensiya fondlarının yaradılması ilə bağlı yaradılacaq qanunvericiliyin ilkin çərçivə planını açıqladıq. Çərçivə planı Avropa ekspertləri tərəfindən hazırlanmışdı.
Burada bir neçə alternativ nəzərdə tutulurdu. Bura həm məcburi sosial sığortalanma əsasında yığım komponenti və özəl pensiya fondlarının tətbiqi ilə bağlı dünya təcrübəsi, həm də könüllü sosial sığortalanma əsasında bu sistemlərin yaradılması ilə bağlı alternativlər daxil idi. Bilirsiniz ki, dünyada son dövrlər baş verən tendensiyalar əsas etibarilə məcburi sosial sığortalanmaya əsaslanan real yığım komponenti və özəl pensiya fondları sistemindən imtina edilərək tədricən dövlət pensiya sistemində həmrəylik sisteminə qayıdış, özəl pensiya sistemlərində könüllü sosial sığortalanma əsasında bu sistemlərin yaradılması nəzərdə tutulur. Biz çərçivə planında bu element üzərində dayanmışıq və hal-hazırda bu əsasda qanunvericiliyin hazırlanması işi sürərtlə davam etdirilir.
Məlum olub ki, qanunvericiliyin hazırlanması Avropalı ekspertlərlə birgə aparılır. “Burda əsas etibarilə fərdi hesablara könüllü sosial sığortalanma vasitəsilə vəsaitlərin toplanması, bu vəsaitlərin maliyyə bazarında yerləşdirilməsi və yerləşdirilməsi üzərində dövlət nəzarəti, həm vəsaitlərin özlərinin, həm də onların yerləşdirilməsindən əldə olunan gəlirin fərdi hesablarda ümumiləşdirilərək vətəndaşların gələcək qeyri-dövlət pensiya təminatlarına yönəldilməsi mexanizmləri əks olunacaq.
İqtisadiyyat şöbəsi
-
Magazin100:15
Elzanın oğlu əsəbiləşib məclisi tərk etdi - FOTO
-
Magazin24 May 23:48
“Əsgərlər” serialının aktrisası VƏFAT ETDİ
-
Sosial4 May 21:10
“Green card” müraciətlərinin nəticələri AÇIQLANDI - YENİLƏNDİ
-
Magazin14 May 20:36
“Toppuş bacı”nın həyat yoldaşı yenidən ailə qurur? - FOTO
-
Art4 May 20:00
"Sehirli xalat"ın "Zərifə" və "Eldar"ı 60 il sonra - VİDEO
-
Kriminal4 May 19:55
Azərbaycanda həkim güllələnərək öldürüldü - TƏFƏRRÜAT/YENİLƏNDİ
-
Magazin14 May 19:12
Orxan Lökbatanlı SÖZ VERDİ: "Rəşad Dağlı azad olunanda..." - VİDEO
-
Elm və təhsil4 May 18:50
Misir Mərdanov nazir olanda hansı qohumlarına vəzifə verib? - Özü DANIŞDI / VİDEO