Qarabağ
“Human Rights Watch” ermənilərin nağıllarına inanmır - Hüquq müdafiəçisi
“Beynəlxalq təşkilatlar Azərbaycanda olmaya-olmaya hesabatlara baxıb nələrsə yazırdılar. Bu dəfə isə “Human Rights Watch” təşkilatının üzvləri öz gözləri ilə gəlib hər şeyi gördülər. Onlar artıq ermənilərin nağıllarına inanmırlar”.
Bu sözləri Publika.az-a danışan hüquq müdafiəçisi Novella Cəfəroğlu deyib.
O bildirib ki, bu ilin noyabrında təşkilatın araşdırmaçıları Azərbaycana səfər zamanı üç rayona klastr bombaları ilə dörd hücumun gerçəkləşdirildiyini sənədləşdirib: “Buna görə “Human Rights Watch” təşkilatına təşəkkürümü bildirirəm. Beynəlxalq qurumlar Ermənistanın necə olduğunu, hansı siyasəti yürütdüyünü gördülər. Onlar ermənilərin dinc sakinlərə qarşı kasetli bombalardan istifadə etdiyini öz gözləri ilə görüb yazdılar. Bundan əvvəl bizim monitorinq qrupumuz geniş bir bülleten hazırlayıb. Orada Gəncə, Bərdə, Tərtər və digər cəbhəyanı ərazilərimizdə mülki əhaliyə vurulan zərərlər, nə qədər mülki insanın öldürülməsi və digər vacib detalların hamısı fotolarla birlikdə ölkəmizdə olan səfirliklərə, Avropa İttfaqına, Avropa Şurasına və digər beynəlxalq təşkilatlara göndərilib”.
Hüquq müdafiəçisi qeyd edib ki, ikinci belə bülleten də çap olunur. Onun sözlərinə görə, orada Ermənistan işğalından azad olunan torpaqlarımızda dağıdılan tarixi-mədəni abidələrimiz haqqında məlumat öz əksini tapıb: “Qeyd edilib ki, qəbiristanlıqlar və ziyarətgahlar da daxil olmaqla, dini- mədəni abidələrimiz onlar tərəfindən dağıdılıb. Üçüncü hazırlanan kitab isə ermənilərin ekoloji terroru ilə bağlıdır. Hamısını hazırlayıb beynəlxalq təşkilatlara göndərəcəyik. “Human Rights Watch” və yüzlərlə digər beynəlxalq qurumlar azad olunan torpaqlarımızda olmalı və ermənilərin bizim sərvətlərimizi necə məhv etdiklərini öz gözləri ilə görməlidir. Bundan sonra beynəlxalq subyektlər ermənilərin bütün üzlərini görəcəklər və onlara qarşı necə davranmağın lazım olduğunu müəyyən edəcəklər”.
Akqabay Mıradov
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...