Qarabağ

Diqqətlər 30 yanvarda - Moskvada KRİTİK GÖRÜŞ

27 Yanvar 2021 20:12

Azərbaycan, Rusiya və Ermənistan baş nazir müavinlərinin görüşü yanvarın 30-da Moskvada baş tutacaq.

Publika.az xəbər verir ki, bu barədə Ermənistan baş nazirinin müavini Mqer Qriqoryanın ofisindən bildirilib.

Qeyd olunub ki, tərəflər Cənubi Qafqazda nəqliyyat dəhlizinin yaradılması, xüsusilə Azərbaycanın əsas ərazisi ilə Naxçıvan Muxtar Respublikasını birləşdirəcək, eləcə də Rusiya ilə Ermənistanı birləşdirəcək dəmir yolu xətlərinin inşasını müzakirə edəcək.

Daha əvvəl görüş 27 yanvar tarixinə təyin edilmişdi.

Xatırladaq ki, yanvarın 11-də Azərbaycan Prezidenti İlham Əliyev və Ermənistanın baş naziri Nikol Paşinyanla danışıqlardan sonra Rusiya Prezidenti Vladimir Putin tərəflərin Dağlıq Qarabağda iqtisadi əlaqələri və infrastruktur layihələrini inkişaf etdirmək üçün üçtərəfli qrupun yaradılması barədə bəyanat imzaladıqlarını açıqlamışdı.

İşçi qrupuna Azərbaycan tərəfdən Şahin Mustafayev, Rusiya tərəfdən Aleksey Overçuk rəhbərlik edəcək.

Zümrüd