Artıq dünya ayılmalıdır və erməninin... - RƏY

Ermənistan silahlı qüvvələrinin Dağlıq Qarabağda törətdiyi hərbi cinayətlərə dair "Amnesty International" təşkilatının məruzəsi hazırlanıb. Məruzədə qeyd olunur ki, müharibə vaxtı nümayiş etdirilən videogörüntülərdə hərbi əsirlərlə kobud rəftar, eləcə də azərbaycanlı hərbçilərin meyitlərinin təhqir olunması müşahidə olunub.

Bəs bu məruzənin önəmi nədir? Erməniləri bu cür vəhşiliklərə görə hansı cəza gözləyir?

Millət vəkili Cavid Osmanov Publika.az-a açıqlamasında deyib ki, 44 gün davam edən Vətən Müharibəsi və ondan sonrakı dövr ərzində biz gördük ki, erməni silahlı terrorçuları tərəfindən misli görünməmiş vəhşiliklər nümayiş olunub:

“Beynəlxalq təşkilatların məruzələrində bu vəhşiliklərin öz əksini tapması dünyaya erməni vandallığının, vəhşiliyinin göstərilməsi baxımından çox önəmlidir. 30 il ərzində ermənilər xalqımıza qarşı soyqırımı törətməklə şəhərlərimizi, kəndlərimizi, oradakı infrastrukturumuzu, meşələrimizi, ekologiyamızı, torpaqlarımızı istismar ediblər. Daş daş üstündə qalmayıb. Tarixi-dini abidələrimiz tamamilə məhv olunub. O cümlədən, 44 günlük müharibə dövründə yayılan videogörüntülərdən də görürdük ki, ermənilər azərbaycanlı əsirlərə qarşı nəinki kobud rəftar, hətta bir vəhşilik, vandallıq nümayiş etdirirdilər. Onlara işgəncələr verilirdi. Eyni zamanda, azərbaycanlı hərbçilərin meyitləri də təhqir olunurdu. Əlbəttə, bu cür beynəlxalq təşkilatların məruzələrində ermənilərin müharibə cinayətlərinin, işgəncə faktlarının öz əksini tapması çox vacib məqamdır”.

Millət vəkili bildirib ki, bununla bütün dünya erməni vəhşiliyinin, vandallığının, ümumiyyətlə, erməniliyin nə olduğunu yaxşı görəcək:

“Bu baxımdan artıq dünya ictimaiyyəti ermənilərin hansı soyqırımıları, vandalizm aktlarını törətdiklərini gördükdən sonra bəzi ikili standartlarla çıxış edən beynəlxalq təşkilatlar, bəzi dövlətlərin parlament üzvlərinin, siyasilərin bu məsələdə ölkəmizə qarşı ikili standartlarla çıxışlarının qarşısı elə dünya ictimaiyyəti tərəfindən alınacaq. Həmin ikili standartlarla çıxış edənlər də bu kimi məsələlərdə özlərini riskə salmayacaqlar. Vəhşi, vandal, terrorçu erməniləri müdafiə etməkdən çəkinəcəklər. Bu baxımdan "Amnesty International" təşkilatının məruzəsi çox vacib bir məqamdır. Digər tərəfdən, cənab prezident də bir neçə dəfə dilə gətirib ki, torpaqlarımız işğaldan azad olunandan sonra bir neçə mərhələ keçməliyik ki, işğaldan azad edilmiş ərazilərimizdə yenidənqurma və bərpa işlərinə başlaya bilək”.

Deputatın fikrincə, bunun birincisi təhlükəsizlik məsələsidir:

“İkincisi isə ermənilərin Azərbaycana qarşı həm maddi, həm də mənəvi tərəfdən törətdiyi vandalizm aktlarının beynəlxalq ekspertlər tərəfindən qiymətləndirilməsidir. Eyni zamanda, gələcəkdə bununla bağlı hüquqi müstəvidə Ermənistandan təzminatın istənilməsidir. Əlbəttə ki, bu baxımdan həmin məruzələrdə bu cür məqamların öz əksini tapması çox vacib bir məsələdir. Bir daha deyirəm ki, artıq dünya ayılmalıdır. Dünya erməninin vəhşi, vandal, faşist, terrorçu olmasını artıq görməlidir”.

Tural Turan