Qarabağ

Zəngəzurla bağlı növbəti danışıqlar başlayır: masada nələr var?

16 May 2021 13:39

Ermənistan-Azərbaycan sərhədi ilə bağlı danışıqlar bu gün davam etdiriləcək.

Publika.az xəbər verir ki, yaxın vaxtlarda başlanacaq danışıqlarda Rusiya sülhməramlılarının komandanı Rüstəm Muradovun da iştirakı gözlənilir.

Ermənistan Müdafiə Nazirliyi bölgədə vəziyyətin onların nəzarətində olduğunu açıqlayıb, lakin erməni mediası yerli mənbələrə istinadən bu xəbərlərin əksini yazır.

“Hraparak” qəzeti mənbələrə istinadən qeyd edir ki, Azərbaycan hərbçiləri irəlilədikləri mövqelərindən geri çəkilməyib. Tərəflər hazır vəziyyətdə gözləyir.

Qəzet digər xəbərində Qazaxın işğal altında qalan 7 kəndi və Naxçıvanın Kərki kəndinin boşaldılması məsələsinin də danışıqlar mövzusu olduğunu yazıb.

Qeyd edək ki, Azərbaycan işğal dövründə Ermənistan tərəfindən qanunsuz irəli çəkilmiş dövlət sərhədini bərpa edir. Sərhəddə baş verənlər Ermənistan tərəfinin süni gərginlik yaratmaq cəhdidir.

Asif